إحساس واثق
12-14-2007, 12:46 AM
السلام عليكم اعضاء منتدانا الرحب
الكل منا اليوم مشغول في السوق مع الاهل
جب الاهل ود الاهل & المقاس زبط ولا نرجع البس
والي رايح فيها حنا يالشباب قاعد تهدر طاقاتنا في السوق والحريم والله لو تلف السوق من بعد العصر الين يصكرون ما تعبوا وفي الاخير ياليت نطلع بنتيجه ماشروا شي ليش السوق موعاجبهم والله ما عقد اليابانين والصينين :frustrated: الا حريمنا على كثر ما حطوا من موديلات مو عاجبهم شي
المهم وانا قاعد بالسوق قعد اطالع بالناس هات لك من اشكال وانواع وخذوا وش شفت
1- الناس الي قاعده تكلم بالتلفون اسمع بس يكلمون كنهم قاعدين في البر ما حولهم احد والي في اخر السوق يسمعهم
وحده قاعده تكلم بناتها
الو : شفي يا ارياف شبري <<(( وحدة قياس اخترعوها حريمنا )) اختكي شجون
هاه وش تقولين ثلاث اشبار واصبعين << (( دقيقيه البنت)) بس المشكله ثلاث اشبار واصبعين بيد البنت تساوي شبر بيد امها << ياخي تصدقون تروح شاريه القطعه ثلاث اشبار واصبعين وتطلع مستانسه مسويه حلت مشكلة المقاس ما تدري انها جايبه الطامه
ياخي والله ذكيات هالحريم الحلول من سريع على طول يصرفون لك حل وهم من جنبها
والا الي قاعد يهايط قدام العالم
الو : هلا خالد اليوم العيال طالعين المخيم ولا لا
ايوه طالعين طيب لا تنسون تاخذون البانشي حقي << نوع من انواع الدبابات
لا نه مايجي معي بالسيارة انت عارف ابي اخذ الوودي مو الفكس ار وانا ماني موجود بالبيت الحين بس ابي اكلم لكم السواق يطلعه لكم انتم لبقو يم باب المستودع وهو بطلعه لكم <<< مهايطي وبقوه بعد لو احلف السيارة كرسيدا والبيت زين اذا كان له باب ثاني
2- الناس الي جايين على سنقة عشره .
يعني الواحد رايح لسوق الهرم<< عاد هذا مشهور عندنا اهل الرياض
زحمة والله اذا غفلت عن اهلك شوي ما عاد تلقاهم وتروح تصوت من عند الامانات عايلة فلان الفلاني
وهذا اخونا في الله جاي لسوق على سنقة عشره وريحت الطيب و استكر المغسله باقي على الثوب والشماغ وكل ما ناظرت فيه وحده قال اكيدهذي معجبه << والله رايق بقوة
لا وبعد من زود الهيط حاط النظارة الي هيا طقم البلوفر:cool:((يعمي لو انا في الصباح كان يمكن نقول انه كان لابسها ثم نزلها بس خاش المجمع بعد صلاة العشاء وحاط النظاره والله مهايطي بقوة ))
3- كل واحد ومع مين جاي .
الي جايب البيت كله حتى الشغاله والله لو السواق يدخل دخلوه ويبدون يلعبون لعبة المتاهه في ولا القطو والفار و الي يطلع اسمه في الامانات اكثر واحد ضاع هو الخسران والله لو انهم بيلعبون كرة قدم ماكان جو بهذا الشعب كله معهم << والله من جد متكاتفين
والي جايه وجايبه معها كل الحريم الي تعرفهم ام دحيم وام صالح وام عيد ..... واذا بغت تشتري قطعه قالت هاه وش رايكم قالت ام دحيم والله زينه بس دوري لكي لون غير هذا اما ام صالح تقول والله شكلها ماتركب على جسمكي تبي طلعكي دبه عاد ام عيد تجيب العيد دايما هذا نفس البس الي شفته على حصه يوم اني زرتهم امس << خلاص مستحيل تشتريه لو يعطونها البسه ببلاش وعلى هالمنوال الين تطلع من السوق ولا تشتري ولا شي ليش المستشارات مو عاجبهم شي يبيلهم مصمم اوربي علشان يصمم لهم وياريت يقتنعون
والي يشتري لولده بطاطس وياكله كله عن ولده كل شوي يا عبدالله الله يهديك قاعد تطلب الشي ولا تاكله << لو ابي احلف انه هو الي شاريه بس مسوي بري ياخي ريح نفسك من البدايه واشتر لك ولولدك وقل قاعد افتح شهيت ولدي للاكل << الله الله توه يجي حس الابوه وفتح الشهيه في السوق تراني مصدقك
اما الاكثر اثارة ودراما اذا التقى قيس بن الملوح وليلى في السوق وهو يحاول يرقم ويسوي ثقل مره ومره يطارد ومره يطالع بجواله <<يعنني استقبلي الرقم بالبلوتوث عاد شوف النك الي لو انها شغاله غسلة يدها من النك ( طرف الكحيل ) سلامات قلة الالقاب ما لقى غير هذا يحطه والمشكله البنت تستقبل بالله معجبها لهذا الحد ماعاد تدري كيف تفرق والله لو جاي يخطب شغالتنا والله اني لطرده وين طالبين ممثل في فلم رعب ولا عريس بس ما اقول الى الطيور على اشكالها تقع
والي جاي هو وحرمته توهم معرسيين ومستانسين والي قاعد يطق ولده والي يبوسه والي مو داري عن الدنيا فاتح فمه وانواع الذباب دخل وطلع
معليش على الاطاله
مشاهدات احساس واثق في ســـــ الهرم ــــوق
وشكراا
ننتظر ردودكم
ودمتم سالمين
الكل منا اليوم مشغول في السوق مع الاهل
جب الاهل ود الاهل & المقاس زبط ولا نرجع البس
والي رايح فيها حنا يالشباب قاعد تهدر طاقاتنا في السوق والحريم والله لو تلف السوق من بعد العصر الين يصكرون ما تعبوا وفي الاخير ياليت نطلع بنتيجه ماشروا شي ليش السوق موعاجبهم والله ما عقد اليابانين والصينين :frustrated: الا حريمنا على كثر ما حطوا من موديلات مو عاجبهم شي
المهم وانا قاعد بالسوق قعد اطالع بالناس هات لك من اشكال وانواع وخذوا وش شفت
1- الناس الي قاعده تكلم بالتلفون اسمع بس يكلمون كنهم قاعدين في البر ما حولهم احد والي في اخر السوق يسمعهم
وحده قاعده تكلم بناتها
الو : شفي يا ارياف شبري <<(( وحدة قياس اخترعوها حريمنا )) اختكي شجون
هاه وش تقولين ثلاث اشبار واصبعين << (( دقيقيه البنت)) بس المشكله ثلاث اشبار واصبعين بيد البنت تساوي شبر بيد امها << ياخي تصدقون تروح شاريه القطعه ثلاث اشبار واصبعين وتطلع مستانسه مسويه حلت مشكلة المقاس ما تدري انها جايبه الطامه
ياخي والله ذكيات هالحريم الحلول من سريع على طول يصرفون لك حل وهم من جنبها
والا الي قاعد يهايط قدام العالم
الو : هلا خالد اليوم العيال طالعين المخيم ولا لا
ايوه طالعين طيب لا تنسون تاخذون البانشي حقي << نوع من انواع الدبابات
لا نه مايجي معي بالسيارة انت عارف ابي اخذ الوودي مو الفكس ار وانا ماني موجود بالبيت الحين بس ابي اكلم لكم السواق يطلعه لكم انتم لبقو يم باب المستودع وهو بطلعه لكم <<< مهايطي وبقوه بعد لو احلف السيارة كرسيدا والبيت زين اذا كان له باب ثاني
2- الناس الي جايين على سنقة عشره .
يعني الواحد رايح لسوق الهرم<< عاد هذا مشهور عندنا اهل الرياض
زحمة والله اذا غفلت عن اهلك شوي ما عاد تلقاهم وتروح تصوت من عند الامانات عايلة فلان الفلاني
وهذا اخونا في الله جاي لسوق على سنقة عشره وريحت الطيب و استكر المغسله باقي على الثوب والشماغ وكل ما ناظرت فيه وحده قال اكيدهذي معجبه << والله رايق بقوة
لا وبعد من زود الهيط حاط النظارة الي هيا طقم البلوفر:cool:((يعمي لو انا في الصباح كان يمكن نقول انه كان لابسها ثم نزلها بس خاش المجمع بعد صلاة العشاء وحاط النظاره والله مهايطي بقوة ))
3- كل واحد ومع مين جاي .
الي جايب البيت كله حتى الشغاله والله لو السواق يدخل دخلوه ويبدون يلعبون لعبة المتاهه في ولا القطو والفار و الي يطلع اسمه في الامانات اكثر واحد ضاع هو الخسران والله لو انهم بيلعبون كرة قدم ماكان جو بهذا الشعب كله معهم << والله من جد متكاتفين
والي جايه وجايبه معها كل الحريم الي تعرفهم ام دحيم وام صالح وام عيد ..... واذا بغت تشتري قطعه قالت هاه وش رايكم قالت ام دحيم والله زينه بس دوري لكي لون غير هذا اما ام صالح تقول والله شكلها ماتركب على جسمكي تبي طلعكي دبه عاد ام عيد تجيب العيد دايما هذا نفس البس الي شفته على حصه يوم اني زرتهم امس << خلاص مستحيل تشتريه لو يعطونها البسه ببلاش وعلى هالمنوال الين تطلع من السوق ولا تشتري ولا شي ليش المستشارات مو عاجبهم شي يبيلهم مصمم اوربي علشان يصمم لهم وياريت يقتنعون
والي يشتري لولده بطاطس وياكله كله عن ولده كل شوي يا عبدالله الله يهديك قاعد تطلب الشي ولا تاكله << لو ابي احلف انه هو الي شاريه بس مسوي بري ياخي ريح نفسك من البدايه واشتر لك ولولدك وقل قاعد افتح شهيت ولدي للاكل << الله الله توه يجي حس الابوه وفتح الشهيه في السوق تراني مصدقك
اما الاكثر اثارة ودراما اذا التقى قيس بن الملوح وليلى في السوق وهو يحاول يرقم ويسوي ثقل مره ومره يطارد ومره يطالع بجواله <<يعنني استقبلي الرقم بالبلوتوث عاد شوف النك الي لو انها شغاله غسلة يدها من النك ( طرف الكحيل ) سلامات قلة الالقاب ما لقى غير هذا يحطه والمشكله البنت تستقبل بالله معجبها لهذا الحد ماعاد تدري كيف تفرق والله لو جاي يخطب شغالتنا والله اني لطرده وين طالبين ممثل في فلم رعب ولا عريس بس ما اقول الى الطيور على اشكالها تقع
والي جاي هو وحرمته توهم معرسيين ومستانسين والي قاعد يطق ولده والي يبوسه والي مو داري عن الدنيا فاتح فمه وانواع الذباب دخل وطلع
معليش على الاطاله
مشاهدات احساس واثق في ســـــ الهرم ــــوق
وشكراا
ننتظر ردودكم
ودمتم سالمين